Förata Longolong Mi Pochokul faniten Ekkewe Semiritin Hawai'i
Seni ewe ran noum a uputiw, iteiten mwochomwochen fansoun a auchea. Am aua nom ikei pwe aipwe alisuk le kunokun ekkewe program om famili a fich ngeni an epwe fiti ika chóni. Kopwe aea ei pisekin angang online pwe kopwe kunokun ekkewe program ese kamo faniten tumwunun noum semirit ika child care, imwemi ika housing, mwongo mi lamwot ngeni inisich, alilis ngeni chon fóóleni semirit, fiti pwal ekkoch.
Cheki met mi wor faniten om famili
Alilisin Famili
ALILIS LON PEEKIN ANGANGEN FÓÓL ME FAMILI/IMW (HOUSING)
Seni an epwe wor chon churi ekkewe sam me in mi keran nounou, tori alilis lon peekin imw ika housing me móóni, ekkei program ra alisi famili pwe repwe oueta longolong mi pochokul o awora ngeni ir minne ra osupwangen ran me ran.
MWONGO ME USUN AN INISICH A ALAMWOTA ANACH MWONGO
Ekkei program ra alisi famili pwe repwe kunokun aner mwongo mi lamwot faniten nour semirit seni an uputiw tori an a ierini ierin chon fiti sikuul, seni WIC me SNAP me mwongo lon sikuul ese kamo me/are mi mö kukkun.
OSUPWANG MI AUCHEA ME ALILIS MI MWITIR
Test faniten feffeitan noum semirit me angangen alilis mi mwitir ese kamo repwe awora ngeni om famili ekkewe pisekin alilis ami oua osupwangan pwe oupwe tongeni alisi noumi semirit pwe repwe mämärita o feffeita.
PEEKIN KAEO FANITEN KUKKUN SEMIRIT
A wor alilis faniten noum semirit lon iteiten kinikinin fansoun lon manawan, seni an uputiw tori an a ier 5, seni sikuul faniten kinter ika Pre-K ese kamo lon public me charter schools, tori ekkewe program usun chok Head Start, o pwal alilis ren liwinin tumwunun semirit ika child care.
POCHOKULEN INIS ME TUMWUNOCH
A fokkun auchea ngeni semirit pwe repwe pochokul lon inisir o pwal tumwun seni feiengaw pwe repwe tongeni märöch. Med-QUEST me CHIP ra nom ikei pwe repwe alisi famili pwe epwe wor alilisir le awora safeien atongeer kewe.
